Die DA in Tokologo Plaaslike Munisipaliteit moet nog antwoorde ontvang op ‘n formele brief wat op 16 Oktober 2022 gestuur is oor erwe wat op ‘n baie twyfelagtige wyse aan die gemeenskap van Wyk 2 in Boshof verkoop is. Die erwe is in 2019/2020, volgens kwitansies in ons besit, op ‘n kontantbasis verkoop maar die inwoners het tot dusver nie die titelaktes ontvang soos deur die munisipaliteit belowe is nie. Die inwoners van Wyk 2 is geskok omdat hulle nie die grond wat aan hulle verkoop is ten volle kan gebruik, sonder bewys van eienaarskap nie.
Die erwe wat deur die munisipaliteit uiteengesit word het geen infrastruktuurdienste bv. water, elektrisiteit of riool. Geen identifikasie van erwe of hoekpenne is uiteengesit nie. Die plaaslike waterreservoir word binne verskeie erwe toegewys. Daar is gepoog om paaie te krap, maar dit was onsuksesvol.
Aan ‘n heining op die erwe is ‘n ‘Kennisgewing vir ‘n aansoek om onderverdeling van ERF 660 Boshof Uitbreiding 30 vir die doel van Residensiële Erwe’ gevind. Volgens die webwerf van die Kommissie vir Maatskappye en Intellektuele Eiendom is die applikant wat op die kennisgewing vermeld word, Thavha G6 Projects (Edms) Bpk, besig is om te deregistreer. Die kennisgewing sluit nie ‘n gepubliseerde datum of datum vir die sluiting van voorleggings in nie.
Die DA sal nie stilbly oor die munisipaliteit se mishandeling van die gemeenskap nie en deursigtigheid in die situasie verseker. Die gemeenskap het gewoond geraak aan ongebreidelde wanbestuur, kaderontplooiing en misleiding. Die erfontwikkeling is nog nooit in die raadsbegroting ingesluit nie en is nie by die huidige begroting ingesluit nie. Ons doen ’n beroep op ’n forensiese ondersoek om vas te stel waar die fondse betaal is, waarvoor dit aangewend is en of die transaksie tussen die munisipaliteit en dié inwoners regtens gesond was.